An Rìbhinn Donn letra

Ochòin a rì 's i mo rìbhinn donn
Dh'fhag mi fo mhì-ghean 'us m'inntinn trom
Gur e a bòichead a rinn mo leònadh
'S cha bhi mi beò gun mo ribhinn donn

Is truagh an dràsda nach robh mi'm bhàrd
A ghleusadh clàrsach 's a sheinneadh dàn
'S gun innsinn buadhan na maighdinn uasail
Mu' bheil mo smuaintean gach oidhche 's là

Mar chanach mòintich tha cneas mo luaidh
Dearg mar chaorann tha dreach a gruaidh
A beus 's a nàdur mar neòinean màlda
No sòbhrag dh'fhàsas fo sgàil nam bruach

Gur bòidheach dualach an cuailean mìn
A th'air a' ghruagaich a bhuair mo chrìdh'
Gur binne còmhradh na guth na smeòraich
'S tha mise brònach on dh'fhàg i mi

Ged tha mo ghrian-sa a' triall fo sgleò
'S mise 'm bliadhna mar ian 's a cheò
Togaidh an sgàile 's ni ise deàrrsadh
'S gu'm faigh mi slàinte gach là ri'm bheò

James Graham - Letras

• A' Bhriogais Uallach
• Alasdair Mhic Cholla Ghasda
• An Rìbhinn Donn
• Breisleach
• Cumha Alasdair Dhuinn
• Maol Donn
• Mo Bhò Dhubh Mhòr
• Mullaichean Rudha Stòir
• Nam Aonar Le Mo Smaointean
• O 'S Toil 'S Gur Ro-thoil Leam
• Och Òin Mo Chailinn
• Òran An t-Saighdeir
• Sorchar Nan Reul
• Viral